LIBRO DO UNIVERSO DO ALUMANADO DE MIRIAM E ISABEL

Aquí vos deixamos o libro que elaboramos Miriam e Isabel co alumnado de 2ºB e 2ºA respectivamente, no CEIP Marquesa do Pazo da Mercé de As Neves. Durante todo o proceso xuntamos os nenos e nenas das dúas aulas, para traballar de xeito conxunto. Foi unha experiencia moi enriquecedora e os nenos aprenderon e gozaron moito coas actividades, e tamén as profes.

O libro do UNIVERSO do alumnado de Pura e Loli.

Iste é un ISSUU do libro que elaborou o alumnado das profes Pura e Loli. (CEIP de Punxín e aula de 1ºB de Seixalbo, Ourense)

Aínda que pertencen a centros distintos, fixeron o traballo en equipo entre as dúa aulas e iste é o espectacular resultado:

O LIBRO DO UNIVERSO DE OLIVEIRA

As clases de 1º e 2º de Oliveira fixemos o noso libro do Universo, cada clase fixo o seu propio,  no mesmo formato e tamaño, unha vez elaborada cada unha das partes, decidimos xuntalas para crear un único libro coas nosas preguntas e respostas sobre o Universo.

Imos plastificalo para que teña unha longa vida na BIBLIOTECA do noso centro e así poder miralo cando queiramos .
 Pero tamén o volcamos nun  ISSUU para poder compartilo coas familias, e con outros nenos e nenas, acó vos queda o noso libro, do que estamos moi orgullosas e orgullosos.

Traballando sobre o Universo na clase de 2º en Oliveira

Na nosa clase estamos traballando o tema dende distintos enfoques, ademais da área de coñecemento estamos traballando tamén na área de língua e potenciando a nosa imaxinación . Comezamos cunha nova do xornal escolar da Voz de Galicia: Chegou a hora de falar con extraterrestres? que nos deu moitísmo xogo e deu lugar á que voase a nosa imaxinación especulando sobre o tema.

Dando lugar a un amplo debate sobre se cremos que existen os extraterrestres, ou no seu caso vida noutros planetas ( e tamén falamos moito sobre a existencia de auga noutros planetas.. microorganismos..).. sometemos o tema á votación, e o resultado é o que podedes observar na imaxe...

Despois deixamos voar a nosa imaxinación:   Se foses unha científica ou científico e tivese que enviar unha mensaxe ó espazo que escribirías? Acó tedes algunhas respostas

Despois trocamos os papeis  e démoslle a volta á tortilla..  e a pregunta foi  a seguinte:

E tivemos respostas do máis orixinal, planetas onde había miles de cores, formas e tamén moi doces nos que todo absolutamente todo eran lambetadas...

Cando tiñamos o tema algo dominado, fixemos un rap coa APP AUTORAP que tanto nos gusta, coas cousas que máis nos chamaron a atención sobre a temática. O NOSO RAP DO UNIVERSO.

Mentres traballabamos o tema pasou algo que nos chamou moitísimo a atención:  A ECLIPSE, e investigamos moito, miramos artigos de prensa e aprendimos como debíamos observar a eclipse, porqué ocorría e tamén cando sería a próxima... acó vos queda un link ó noso blogue de aula para que vexades canto investigamos sobre a ECLIPSE DO 20 DE MARZO.  

E non so traballamos linguas, tamén traballamos educación artística, e a profe Ana fixo con nós unha actividade artística que nos gustou moito moito moito.  E estivemos elaborando unha gráfica despois de enquisar ós nenos e nenas de primaria... E a profe Silvia tamén traballou con nós o universo.

E agora estamos elaborando o noso LIBRO DO UNIVERSO... seguiremos informando!!!!!

No noso blogue de aula,  temos unha categoría UNIVERSO na que iremos poñendo todo o relacionado co tema.

Para celebrar os 25 años do lanzamento do telescopio espacial Hubble, a banda granadina Lori Meyers grabou un tema en exclusiva para National Geographic Channel titulado Telescopio Hubble, que xa ten un videoclip!!! E mirámolo hoxe en clase, gustounos moooito moitooo!!

Symbaloo: UNIVERSO

Neste symbaloo recóllense enlaces a distintos recursos para empregar no desenvolvemento do noso traballo sobre o Universo.

 

TAREFA: FACEMOS O NOSO LIBRO : Actividade 1: QUE SABEMOS E QUE QUEREMOS SABER (TODAS)

EXERCICIO 1: Cómo medio de estímulo inicial para a tarefa do Universo eleximos o conto "A que sabe a Lúa"

Esta é unha das opcións de presentarlles o conto sen ter que lelo nós. E poderiase aproveitar para traballar de paso a comprensión lectora. 

ENTRAR

EXERCICIO 2: Que sabemos do Universo?

EXERCICIO 3: Que queremos saber?

Ao rematar o exercicio 3 teremos un listado de preguntas  que serán a base para o desenvolvemento das demais actividades.